Sport

Baolina kitra Hifandimby ny Thb CL Malagasy sy Telma CM

Sport
Alakamisy 05 Jolay 2018

Ireo kianja sentetika CNaPS Sport eny Vontovorona sy any Ampasambazaha Fianarantsoa no finidin’ny FMF hanatanterahana ny dingana faharoa ny “Thb Champions League Malagasy 2018” ny 13-22 jolay 2018.

Nozaraina ho vondrona roa ireo ekipa tafita hiatrika izany dia ny Fosa Juniors Boeny, Fca Alaotra Mangoro, Tam Port Berger Sofia, Jet Mada Itasy, Elgeco Plus Analamanga ary Mtm Melaky hifanintsana eny Vontovorona. Ny Ajesaia Bongolava, Cnaps Sport Itasy, Fc Vakinankaratra Vaknà, 3Fb Atsimo Andrefana, Fils d’Elephant Anosy ary ny Akon’Ambatomena Matsiatra Ambony kosa no hifanintsana any Fianarantsoa. Ny eto Antananarivo (lalao 6), Vontovorona Itasy sy Fianarantsoa (lalao 2 avy) ary any Ambatondrazaka, Amparafaravola, Ambositra, Fenoarivo atsinanana, Mahajanga, Port Berger (lalao 1 avy) kosa no hanatanterahana ny 1/16-ndalan’ny « Telma Coupe de Madagascar 2018 » amin’ny Sabotsy 7 sy alahady 8 jolay 2018 ho avy izao. Marihina fa ekipa 10 avy eto Analamanga, 4 Alaotra Mangoro, 3 Matsiatra Ambony, 3 Boeny, 2 Itasy, 1 Amoron’i Mania, 1 Atsimo Andrefana, 1 Atsimo Atsinanana, 1 Analanjirofo, 1 Atsinanana, 1 Sofia, 1 Bongolava, 1 Ihorombe, 1 Diana ary 1 Melaky, no handray anjara amin’ny fifaninanana.

Ntsoavina Evariste