Sport

Partagé sur :
• facebook

Efa nisokatra tamin’ny ankamaroan’ny mpanao gazety malagasy ny seraseran’ny baolina kitra tamin’ny fotoana nitondran’ny « Comité de normalisation FMF » notarihan-dRtoa Atallah Beatrice.

 Niverina amin’ny fombany taloha indray amin’ny fanagiazana vaovao ho an’antokona mpanao gazety vitsivitsy izany rehefa niverina nahazo filoha vaovao ny FMF. Tsy dia azo inoana fa nahazo baiko  avy amin’io filoha vaovao io no antony. Fantatra tsara mantsy ny fitiavan’Atoa Arizaka Rabekoto Raoul mifanerasera amin’ny mpanao gazety ara-panatanjahantena malagasy ary azo ambara fa tena namana akaiky azy avokoa aza ireo mpanao gazety ireo. Ny mety mitombina dia efa mpifandray tendro tao amin’ny FMF nifandimby hatry ny ela no voafidy ho tompon’andraikitry ny serasera vaovaon’ity FMF 2019 ity ka angamba efa manana izay ankolafina mpanao gazety zatra miaraka aminy ka tsy te hanova fomba fiasa miaraka amin’ny mpanao gazety na koa hanohy ny fifandraisana tsara tamin’ny fitantanan’ny CN nodimbiasany ka izao lasa misy fanavakavahana izao indray ny fizarana vaovao mikasika ny baolina kitra malagasy ka tsy mahagaga raha ny fampahalalam-baovao any ivelany indray no mahalala sy mampita izay tokony ho fantatra eto an-toerana ankehitriny. Dia ho sanatria tsy tafita tamin’ny famindram-pahefana natao teny Isoraka ve ireo « arriérés » tsy mbola voaefan’ny CN izay neken-dRtoa Atallah Beatrice ampahibemaso fa tena misy tokoa ?

Ntsoavina Evariste

Tia Tanindrazana

Samia mijoro ho an'i Gasikara.