Sport

Baolina kitra - FMF Filohana ligy 12 mangataka fivoriam-be tsy ara-potoana

Sport
Talata 17 Aprily 2018

Nandefa taratasy any amin’ny filohan’ny CAF Ahmad mba hahafahan’ity farany mampiantso fivoriambe tsy ara-potoan’ny federasiona Malagasin’ny baolina kitra ny filohana ligy miisa 12.Anton’izany fivoriana izany,

arak’ilay fanambarana sy taratasy ofisialy navoakan’ny FIFA ny 11 aprily lasa teo ny fametrahana vaomieram-pifidianana vaovao, hanohy ny fanatanterahana ny fifidianana filohan’ny ligy ho an’ny faritra Bongolava, Matsiatra ambony ary Vatovavy Fitovinany, izay samy tsy vita noho ny fisian’ny savorovoro moa satria nisy zavatra nampiahiahy ny fizotry ny fifidianana.Mahafeno ny fetr’isa hampiantso fivoriana araka andininy faha 31 ao amin’ny sata mifehy ny FMF izahay hoy ireo filoha Ligy ireto.Manasonia ny fanambarana ny filohan’ny ligim-paritry ny baolina kitra Sofia, Anallanjirofo, Melaky,Betsiboka, Anosy,Androy, Atsimo andrefana, Diana, Amoron’I Mania,Atsimo atsinanana, Menabe ary Vakinakaratra.Omaly 16 aprily no voapetraka ara-dalana ary efa fantatry ny mpitantana vonjimaikan’ny federasiona Malagasin’ny baolina kitra ity taratasy fangatahana fivoriana tsy ara-potoana ity; tsara ho marihana fa manome hatramin’ny 3 jona izao mba handaminana ny olana rehetra ny FIFA.

RTT