Sport

Baolina Kitra - Fiadiana ny amboaran’i Afrika Raraka ny CNaPS Sport, tafita ny Elgeco Plus

Sport
Alakamisy 06 Desambra 2018

Nifarana hatreo indray ny dian’ny CNaPS Sport Madagasikara amin’ny fandraisana anjara amin’ny fiadiana ny amboaran’i Afrika eo

amin’ny ekipa tompondaka andiany faha-23 fa resin’ny ekipan’ny Fc Platinum avy Zimbabwe 1-0 ity ekipa tompondaka Malagasy ity omaly alarobia 05 desambra 2018 teo amin’ny lalao miverin’ny fifanintsanana savaranon’ando amin’ity fifaninanana ity. Baolina matin’i Rodwel Chinyengetere teo amin’ny minitra faha-60 no niantoka ny fandresen-dry zareo Zimbaboeana. Tsy tafita any amin’ny dingana voalohany akory izany ny CNaPS Sport fa “Demi Tour” dia nihintsana.

Ny ekipan’ny Elgeco Plus tompon’ny amboaran’i Madagasikara kosa dia tafita hiatrika ny dingana manaraka amin’ny fiadiana ny amboaran’i Afrika andiany faha-16 rehefa natambatra ny isa azony sy ny ekipa Gineana mandroso sy miverina (4-3) na dia resin’ny Deportivo Unidad tany Malabo Guinée Equatoriale 2-1 aza izy omaly alarobia 05 desambra 2018.

Ntsoavina Evariste