Sport

Baolina kitra – Champion’s league Malagasy Mahajanga sy Fianarantsoa no handray ny « Phase 2 »

Sport
Alarobia 27 Septambra 2017

Hotontosaina any amin’ny kianja sentetika Alexis Rabemananjara any Mahajanga sy any amin’ny kianja sentetika Ampasambazaha Fianarantsoa hanomboka ny zoma 29 septambra 2017 izao ka tsy hifarana raha tsy ny alahady 8 oktobra 2017 ny “phase 2”

amin’ny fiadiana ny ho tompondakan’i Madagasikara eo amin’ny taranja baolina kitra na ny “Champion’s league Malagasy 2017”. Ekipa 6 avy isanisany no mivondrona ao amin’ireo toerana ireo ka ny 2 voalohany tafavoaka eo no hiatrika ny dingana “Poules des AS 2017”. Any Mahajanga dia misy ny Hzam Alaotra Mangoro, Cnaps Sport Itasy, Ussk DIANA, Varatraza Sofia ary ny Fc Maeva Betsiboka sy ny Ajesaia Bongolava. Any Fianarantsoa kosa indray dia ao ny Cosfa Analamanga II, Eleco Plus Analamanga I, Top Dom Amoron’i Mania, ny Zanakala Fc Matsiatra Ambony ary ny Fc Angèle Anosy sy ny Rts Jet Mada Itasy II.

Fandaharan-dalao andro voalohany 29 septambra 2017 :

Mahajanga : 11:00-Hzam # Ussk ; 13:00-Fc Maeva # Cnaps Sport ; 15:00-Ajesaia # Varatraza

Fianarantsoa : 11:00-Elgeco Plus # Top Dom ; 13:00-Zanak’ala Fc # Cosfa ; Rts Jet Mada # Fc Angele

Ntsoavina Evariste