Sport

Baolina kitra – Analamanga D-2 Voahosotra ho tompondaka ny CNaPS Analamanga

Sport
Alatsinainy 21 Aogositra 2017

Tontosa omaly alahady 20 aogositra ihany noho ny farany ny lalao fiadiana ny ho tompondakan’Analamanga eo amin’ny taranja baolina kitra sokajy D-2.

Voahosotra ho tompondaka D-2 2017 eto amin’ny ligin’Analamanga ary ny ekipan’ny CNaPS Analamanga rehefa nandresy ny Fosa Junior Analamanga 1-0 tany amin’ny fanalavam-potoana. Marihana moa fa ireto ekipa ireto dia efa samy miakatra D-1 daholo amin’ny taom-pilalaovana ho avy ary mbola samy miatrika ny Telma Coupe de Madagacar avokoa. Teo amin’ny fiadiana ny ho tompondakan’ny ligin’Analamanga izay ihany saingy eo amin’ny sokajy U 17 dia resin’ny Fosa Junior Analamanga 1-0 ny St Michel Amparibe. Teo anelanelan’ireo lalao roa ireo tetsy Mahamasina dia nisy ny lalao 1/32-ndalan’ny Telma Coupe de Madagasikara izay nivoahan’ny As Adema Analamanga ho mpandresy 8-0 nanoloana ny ekipan’ny Piment Vert Atsinanana.

Ntsoavina Evariste