Sport

Ballon d'Or africain 2018 Amin’ny talata 8 janoary izao no ho fantatra

Sport
Sabotsy 05 Janoary 2019

Any Dakar Sénégal amin’ny talata 8 janoary 2019 izaoo no hanoloran’ny CAF « Confédération africaine de football » ny fankasitrahana an’izay hahazo ny Ballon d’Or africain 2018.

Mpilalao 3 mirahalahy no voafidy hiady izany dia ilay mpilalao Egipsiana milalao ao amin’ny Liverpool, Mohamed Salah izay mitazona ny ballon d’or africain 2017 sy Sadio Mané teratany Sénégaley milalao ao amin’ny Liverpool ihany koa ary ilay teratany Gaboney, Pierre-Emerick Aubameyang milalao ao amin’ny Arsenal.

Hiady an’ity amboara ity fanindroany tahaka an’ilay Senegaley El Hadji Diouf (2001, 2002), sy ilay Ivoarianina Yaya Touré (2011, 2012) ary ilay Kamerone Samuel Eto'o (2003, 2004) i Mohamed Salah amin’izany.

Ntsoavina Evariste