Sport

Badmiton Malagasy Miandry toa ny rehetra ihany

Sport
Zoma 15 Mey 2020

Na dia azo ambara fa taranja tsy dia misy fifampikasoan’ny mpifandrina mivantana aza ny lalao Badminton, hoy ny filohan’ny Federsiona Malagasy amin’ity taranja ity, Jean Aimé Mota Ravalison,

dia miandry toa ny rehetra amin’ny tokony hiverenana an-kianja indray izahay. Ireo mpilalao kosa anefa dia hamporisihana hikarakara tsara ny fitaovana ananany amin’izao fihiboana an-tokantrano izao, hoy izy, ka novatsianay Federasiona tady manokana fanamboarana “raquette” izy ireo hanamboarany an’izany any amin’izy ireo any ary dia nentanina hanao fanazaran-tena ho azy ireo samy irery ihany koa mandra-pisokatry ny fifaninanana indray. Eo amin’izay fiverenan’ny fifaninana aorian’ny ady atao amin’ny covid-19 izay , hoy Atoa Ravalison Mota, dia fantatra fa ho henjakenjana ny fifaninana hiadiana kianja hilalaovana noho ireo federasion’ny taranja fanatanjahantena rehetra samy mbola tsy nahavita ny fifaninanam-pirenenany avy.

Ntsoavina Evariste