Sport

Badminton � Fanokafana taom-pilalaovana Tsy nahatohitra an�i Haja Vonjinirina i Aina DTN

Sport
Talata 21 Aprily 2015

Nihemotra fanintelony vao raikitra noho ny fisongonan�ny hafa amin�ny fampiasana ny lapan�ny fanatanjahantena ity fifaninanana ity. Nahatratra 186 no nandray anjara tamin�ny fifaninanana fanokafana ny taom-pilalaovan�ny federasiona malagasin�ny badminton nahitana ny avy any

Vakinankaratra, Atsinanana ary ny eto Analamanga. Adin’ny samy mpilalaon’ny Sangasy ny famaranan’ny olon-tokana lehilahy sokajy A ka i Haja Vonjinirina Marc Alberto nandresy an’i Aina Vonjinirina Marc Jocelyn, tale teknika nasionaly (21/16, 21/8). Lasan-dRazanamaly Soaniaina (SCI) kosa ny vehivavy ka Raoelinirina Anny (Asut) no resiny tamin’ny famaranana (21/17, 21/12). Teo amin’ny sokajy B lehilahy, i Christian (Asut) nanilika an’i Anjaratiana Fano avy amin’ny Baobad (21/9, 21/7) ary ny vehivavy Zafindravao Hanitra (SCI) nanintsana an’i Grand Didier Estelle (Baobad) 21/15, 21/13. Teo amin’ny lehilahy sokajy C, Robena (SCI) nandresy an-dRajaonarimalala Henintsoa (VTTK Ivato) 21/18, 22/20. Mikasika ny fanomanana ny lalaon’ny nosy dia mpilalao efatra avy lahy sy vavy no anjaran’ny badminton araka ny toromariky ny minisitera ka hanomboka anio alatsinainy ny fampivondronana fah-2. Mbola hisy fifaninanana iraisam-pirenena roa tafiditra amin’ny fanomanantenantsika malagasy dia ny “Tournoi de la Réunion” ny 7-10 mey sy ny “Internationaux de Maurice” ny 11-17 jona.

Rasanda Serge