Sport

Atletisma - Tompondakan’i Madagasikara amin’ny Cross Country Efa vonona 95 % Antsirabe amin’ny fandraisana, hoy ny DTN

Sport
Alakamisy 06 Febroary 2020

Hotontosaina any amin’ny Parc de l’Est any Antsirabe amin’ny sabotsy 08 febroary 2020 izao manomboka amin’ny 7 ora 30 ny

hazakazaka atletisme fiadiana ny ho tompondakan’i Madagasikara eo amin’ny Cross Country hokarakarain’ny FMA « Federasiona Malagasin’ny Atletisme » ary horaisin’ny ligin’ny Atletisma any Vakinankaratra an-tanana ny fanatontosana azy. Raha ny vaovao azo avy any an-toerana dia efa vonona hatrany amin’ny 95 % Antsirabe amin’ny handraisana an’ity fifaninanana ity. Nambaran’ny DTN Atletisma, Rakotomalala Tsiory, izay anisan’ireo tompon’andraikitra voalohany mpitantana ny atletisma ihany koa any amin’ity toerana ity dia notontosaina omaly alarobia 5 febroary ny dinika teknika amin’ny fifaninanana.

Ntsoavina Evariste