Sport

Partagé sur :
• facebook

Efa vonombonona nanoloarana ny lapan’ny tanànan’i Tsiroanomandidy avokoa, nanomboka tamin’ny 6 ora maraina tamin’ny sabotsy 21 martsa 2020 lasa teo,

ny altela sy ireo olona rehetra saika handray anjara tamin’ny hazakazaka rodobe “course de renouveau” andiany faha-24 sy ny “zumba” ary ny “relais pedestre” tokony ho notanterahina tany amin’ity toerana ity izay tokony hanokafana ihany koa ny taom-pilalaovana atletisma 2020 ho an’ny ligin’ny atletisma any Bongolava nefa noho ny didy avy amin’ny Filohan’ny Repoblika navoakany tamin’ny zoma 20 martsa 2020 lasa teo mandrara ny fanatanterahana an’ireo lalao ara-panatanjahantena manerana ny nosy noho ny fisian’ny tranga coronavirus dia voatery nofoanana koa izany hetsika saika natao tany Tsiroanomandidy izany. “Efa tany an-toerana nialohan’ny fanambarana heno ny tenako sy ny mpiara-miasa amiko ao amin’ny FMA “Federasion’ny Atletisma Malagasy”, hoy Rtoa Norolalao Andriamahazo filohany, ka nahita ny zava-nisy tany an-toerana dia ny fahatongavan’ireo olona nanoloarana ny tranompokonolona Tsiroanomandidy ny sabotsy 21 martsa nanomboka  tamin’io 6 ora maraina io. Nalahelo izy ireo noho izany nefa tsy nomena tsiny noho ny tsy fananany televisiona sy tsy fahenoany radio nahenoana ny vaovao, hoy ity filohan’ny FMA ity, ka voatery nohozaina mazava tamin’izy ireo ny zava-misy eto amin’ny firenena nahatonga ny hetsika voatery nofoanana nefa dia nambara tamin’izy ireo koa fa tsy maintsy ho tontosaina ity hetsika ity rehefa mitsahatra ny fampiatoana vonjimaika navoakan’ny fitondram-panjakana”.

Ntsoavina Evariste

Tia Tanindrazana

Samia mijoro ho an'i Gasikara.