Sport

Atletisma � Marathon Ilay any La r�union ihany no handraisantsika anjara

Sport
Zoma 21 Mey 2010

Nahemotra amin’ny 5 septambra indray ilay fifaninanana Marathon international Orange tokony hatao any Maorisy ny 23 mey izao rehefa tsy nahazo fahazoan-dalana indray ny mpikarakara noho ny toe-draharaha misy any an-toerana. Araka ny nambaran’ny mpanazatra nasioalin’ny hazakazaka lavitrezaka, Mahatana Jean de La Croix dia tsy afaka handray anjara amin’io fifaninanana io isika Malagasy satria mifanindry amin’ny andro hanatanterahana ny Marathon international de Tanà io daty voatondro io. Nambaran’ity farany ary fa ilay fifaninanana iraisam-pirenena amin’ny marathon hatao any La Réunion ny 6 jona izao izany no sisa handefasantsika solontena amin’ny alalan’ireo tompondakan’i Madagasikara farany tamin’ny semi marathon tany Mahajanga teo dia i Andriamparany Hajanirina sy Rasoarizay Clarisse. Raha ny hetsika akaiky indrindra ho an’ity taranja fototra ity moa dia ny fifidianana fanavaozana ireo mpitantana ny federasiona izay hatao etsy amin’ny Motel Anosy rahampitso.

Hery Rabe