Sport

« Athletisme pour tous » Tontosa ny « course eau vive » andiany faha-6

Sport
Alarobia 06 Febroary 2019

Olona 650 isa no niatrika an’ilay hetsika « Athletisme pour tous » andiany faha-6 nokarakarain’ny FMA « Federasion’ny Athletisme Malagasy » niarahany nanatontosa tamin’ny Eau vive ary nahazo tohana mavitrika tamin’ny orinasa Telma tamin’ny alahady 03 febroary teo.

Ny hazakazaka nanodidina ny farihan’Anosy natokana hoan’ireo kalaza no nanombohana ny hetsika narahan’ny hazakazaka hoan’ny daholobe. Ny « Relais Inter-écoles » izay nandraisan’ny sekoly niisa 6 anjara kosa no nanaraka avy eo ka norombahin’ny sekoly Akamasoa Andralanitra toy ny tamin’ny andiany farany indray ny fandresena ary nahazoan’izy ireo finday niisa 6 natolotry ny Telma. Ny mpianatry ny Lycée Technique Alarobia no niatana ny laharana faha-2 ary ny Lycée privé le Capucine no faha-3. Nisy koa ny fanolorana amboara manokana hoan’ireo mpandray anjara mendrika indrindra ka ny Lycée Jean Joseph Rabearivelo no nahazo izany teo amin’ny sekoly, ny Otiv Tanà teo amin’ireo orinasa ary ny ministeran’ny tanora sy fanatanjahantena teo amin’ny andrim-panjakana nandray anjara. Namaranana tanteraka an’ity andiany faha-6 ity teny Anosy ny fiarahan’ny rehetra nanao Zumba nampitoniana toe-tsaina.

Ntsoavina Evariste