Sport

Partagé sur :
• facebook

Taorian’ny fahombiazana azony tamin’ny fikarakarana ny hetsika nasionaly tany Toamasina tamin’ny volana septambra/oktobra 2018

lasa teo dia hikarakara « Jeux Coporatifs » andiany voalohany ihany koa ny ASIEF « Association Sportive Interministérielle pour l’Entretien des Fonctionnaires ». Eto Antananarivo no hanatanterahana ny hetsika amin’ny 7 sy 8 desambra ho avy izao ka taranja 7 ( baolina kitra, basikety baolina, volley-ball, pétanque, lawn tennis, ping pong, belote) no hifaninanan’ireo mpiasam-panjakana avy amin’ny andrim-panjakana isan-tsokajiny sy ireo mpiasa avy amin’ny orinasa tsy miankina ihany koa. Ny tanjona, hoy ny filohan’ny Asief,  Botosera Jean Aimé « John Love »  tamin’ny zoma teny  Anosy, dia ny fahazoana fahasalamana ho an’ny daholobe « Santé pour tous ». Natao koa ity fifaninanana ity, hoy izy, mba hiarahan’ny rehetra mankalaza ny fetin’ny faran’ny taona 2018. Mbola ho matotra ihany koa ny ady amin’ny mpikarama an’ady efa nimasoan’ny ASIEF nanomboka tamin’ity taom-pilalaovana 2018 ity  ka angatahana ireo tompona orinasa tsy miankina mba ho tena mpiasa ao  aminy tokoa no halefany handray anjara amin’ny hetsika. Mandeha hatrany ny spaoro na eo aza ny raharaha politika malaza ankehitriny, hoy Atoa John Love, satria ny ASIEF dia manaja ny rafim-pitantanana misy rehetra eto amin’ny firenena sady mitazona ihany koa ny « ethique » sy « déontologie » ny asam-panjakana ary tsy manao politika politisiana sady tsy hanao an’izany mihitsy.

Ntsoavina Evariste

Tia Tanindrazana

Samia mijoro ho an'i Gasikara.