Sport

As Adema Analamanga I Maître Rôrô indray no hanazatra azy

Sport
Alakamisy 13 Febroary 2020

Rakotondrabe Romuald Félix “Maître Rôrô” mpanazatra ny As Jet Mada teo aloha indray no nantsoin’ny mpitantana ny ekipan’ny As

Adema Analamanga hanazatra ity ekipan’Ivato Seranana manomboka izao. Izy no hisolo an’i Jhonny Rakotomanana nanazatra ny As Adema teo aloha. “Amin’ny maha ekipa lehibe sy malaza azy no nanekeko tsy am-pisalasalana ny antson’ireo mpitantana ny As Adema hiara-kiasa aminy, hoy i Maître Rôro, ka vonona ny hitondra ny traikefako ao amin’ity klioba ity aho, hanome aina vaovao ao anatiny hanatrarana ny tanjona irian’ny ekipa rehetra mandray anjara amin’ny fifaninanana Pro-League dia ny handrombaka ny anaram-boninahitra ho tompondakan’i Madagasikara indray ka mino aho fa ho tsara tokoa ny fiarahana ao amin’ity ekipa ity”. Marihina fa ny fanoloana mpanazatrana klioba iray dia mety atao foana mandava-taona fa tsy mba misy an’irony antsoina hoe : fotoanan’ny “Mercato” ho an’ny mpilalao irony.

Ntsoavina Evariste