Arnaud Randrianantenaina

Mametraka ny tantarany ao amin’ny El Gouna FC

Sport
Alatsinainy 29 Janoary 2024

Mametraka ny tantarany ao amin’ny El Gouna FC, divizionina voalohany

ao Ejipta eo amin’ny taranja baolina kitra, ankehitriny ny lohalaharana malagasy, Arnaud Randrianantenaina. Nametrahan’ny mpanazatra ity klioba ity fitokisana misimisy kokoa moa izy tato ho ato, raha tsiahivina, satria dia ny lehilahy izany ankehitriny no kapitenin’ny El Gouna. Nanome toky ireo mpankafy azy sy ny kliobany izy ny sabotsy teo raha hiatrika ny ¼-dalan’ny tompondakan’ny ligin’i Ejipta. Tsy nahafa-po anay ny vokatra, hoy i Arnaud, saingy manome toky kosa izahay fa hiverina amin-kery indray. Tsiahivina hatrany fa 23 taona moa ankehitriny ity mpilalao malagasy ity ary miroso amin’ny heriny tanteraka.
J. Mirija