Sport

Arnaud Randrianantenaina Hilalao ao amin’ny El Gouna FC - Ejipta

Sport
Alakamisy 03 Febroary 2022

Hilalao any Ejipta ihany koa dia ao amin’ny El Gouna FC ilay lohalaharana malagasy mbola ao anatin’ny fahatanorany tanteraka, Arnaud Randrianantenaina.

Tontosa soamantsara, raha ny fampitam-baovao omaly, ny famindrana azy avy atsy amin’ny klioba nisy azy farany dia ny Jeunesse Sportive Saint-Pierroise atsy La Réunion ho ao amin’ity klioba niorina ny taona 2003 ity saingy efa mifaninana ao amin’ny tompondakan’i Ejipta sahady ity. 21 taona ankehitriny i Arnaud ary fanintelony amin’ireo mpilalao efa nandrafitra ny ekipam-pirenena malagasin’ny baolina kitra na Barea tamin’ny andron’ny mpanazatra Nicolas Dupuis hilalao atsy amin’ity firenena ity, araka izany, i Arnaud. Ankoatra azy moa dia isan’ny mila ravinahitra ao an-toerana koa ilay irakiraka afovoany Malagasy, Abel Anicet, izay milalao ao amin’ny Futur FC, sy ilay lohalaharana, Voavy Paulin, milalao ao amin’ny Ghazl El Mahallah.
J. Mirija