Sport

ANS Ampefiloha Mizotra miandalana ny fanarenana sy fanatsarana

Sport
Alakamisy 04 Jona 2015

Ny orinasa �Eau Capitaine� tarihin�ny taleny, Rasolomamonjy Johanesa, no misahana ny fikarakarana sy ny fikojakojana ireo fotodrafitrasa ao amin�ny ANS Ampefiloha nanomboka ny taona 2010. Maro ireo fanamboarana sy fanarenana efa natao ary mbola maro ny miandry.

Anisan’ny efa natao ny fanoloana sy fanamboarana ireo “carreaux” manodidina ny dobo filomanosana. Io orinasa io no mikojakoja sy manadio ny rano ao amin’ny dobo. Isan-kerinandro eo ny fanadiovana sy fanasiana akora fanafody samihafa toy ny “hypochlorite de calcium” sy “sulfate d’alumine” hisorohana ireo otrikaretina sy lomotra. Arakaraka ny loton’ny rano ny fanadiovana ary indraindray in-droa isan-kerinandro mihitsy izany, araka ny nambaran’ny talen’io orinasa io. Io orinasa io ihany koa no nanao fikojakojana ireo fotodrafitrasa hafa ao amin’ny ANS ka efa vita ireo vavahady be fidirana sy tranokelin’ireo mpiambina, ny fanamboarana ny any anatin’ireo efitrano fandraisana mpanao fanatanjahantena, indrindra amin’izao ankatoky ny Lalaon’ny nosy izao, manamboatra ireo fantson-drano simba rehetra na ny dobo na ireo trano fitobiana. Ankoatra ireo dia mandoko ireo rindrina ka anisan’ny asa ato ho ato ny ao amin’ny faritry ny dobo filomanosana.

Rasanda Serge