Sport

Andro Iraisam-pirenena ho an’ny ankizivavy Anio no hanokafana ny lalao baolina kitra vehivavy sokajy U 16

Sport
Alakamisy 11 Oktobra 2018

Homarihana ao anatin’ny fanohanan’ny Unicef ny Baolina kitra vehivavy sokajy U 16 karakarain’ny FMF eny amin’ny kianjan’i Carion ny 12-20 oktobra 2018 izao ny andro iraisam-pirenena ho an’ny ankizy vavy izay hankalazaina isaky ny 8 oktobra isan-taona. Anio alakamisy 11 oktobra tolakandro eny amin’ny kianja

monisipalin’Alarobia dia hisy ny fanokafana ofisialy an’ity fifaninanana ity ka hitondran’ny Unicef hetsika manokana toy ny Festival Live Your Goals sy ny “ateliers football” ary filaharambe handraisan’ny zatovovavy mahatratra 300 isa manerana ny nosy anjara. Heverin’ny Unicef Madagascar fa eo amin’ny andraikitra sahaniny amin’ny ady amin’ny herisetra atao ny zatovovavy miala sakana dia afaka mampivondrona ny zatovovavy maro ny lalao baolina kitra hahazoan’izy ireo manatsara ny maha izy azy ireo. Ekipa 8 no handray anjara amin’ity Tournoi ity ka nozaraina ho vondrona 2 araka ny antsapaka natao teny amin’ny Motel de Tanà tamin’ny talata 9 oktobra teo ka voasarika ho ao amin’ny Vondrona A ny As 3A Amoron’i Mania, Maitsovolo Matsiatra Ambony, Prescoi Vakinankaratra ary ny Asot Analamanga. Ao amin’ny vondrona B kosa no ahitana ny Ac Sab Nam, As Jaf Atsimo Atsinanana, Sos Village des enfants Atsinanana ary ny Fc Manambina Boeny.

Ntsoavina Evariste