Sport

Andriamirado DAX Tsy nilalao tetsy Mahamasina satria…

Sport
Alarobia 26 Desambra 2018

Tsy niakatra ny kianjan’i Mahamasina i DAX “Aro Hasina Andriamirado Andrianarimanana”, ilay mpilalao Malagasy milalao ao amin’ny ekipa Afrikana Tatsimo Kaiser Chiefs ny sabotsy 22 desambra 2018

lasa teo tamin’ny fihaonan’ny Elgeco Plus sy ity ekipa misy azy ity niatrika ny lalao miverin’ny fiadiana ny amboaran’ny CAF dingana voalohany na dia tazan’ny maro teny amin’ny Tribune Afovoany ao amin’ity kianja ity aza tamin’io andro io. Nosomparan-dry zalahy saika ho samborina teny amin’ny hotely Carlton Anosy ny tenantsika tamin’ny zoma 21 desambra 2018, hoy izy, fa hoe tsy ara-dalàna ny “passe-port” ka aleo mitandrina mba tsy hanakorontanana ny lalao sanatria. Nambaran’ny mpanazatra ny Kaiser Chief ankehitriny, Ernst Middenthorp^,teny Mahamasina kosa anefa taorian’ny lalao fa efa fahazaran’ny ekipa goavana any ivelany any ny tsy mampilalao mpilalao iray rehefa eo amin’ny tany nihaviany no hivahinianana hanatontosana ny fihaonana.

Ntsoavina Evariste