Sport

Analamanga Rugby Mitohy ny hetsika ho fanalana an-dRamarcel

Sport
Sabotsy 25 Aogositra 2018

Araka ny efa nambarany tamin’ny fanaovana hetsika fanairana teny amin’ny Makis Andohatapenaka tamin’ny zoma 17 aogositra 2018 teo dia notohizan’ny Analamanga Rugby notarihan’ny filohany,

Ravelojaona Andry La Pie niaraka tamin’ny seksiona Antananarivo –Renivohitra notarihan’ny filohany koa sy ireo mpikambana ao amin’ny Ftmrat “Fikambanan’ny tanora mpanao rugby eny ambany tanàna” sy ireo fileovana marobe tonga teny anoloan’ny vavahady fidirana ao amin’ny ANS Ampefiloha tamin’ny alalan’ny fitondrana sora-baventy indray ny hetsika fanesorana amin’ny toerany ny filohan’ny Malagasy Rugby, Ramarcel “Rakotomalala Marcel” izay ambaran-dry zareo fa manimba ny tontolon’ity baolina lavalava ity. Nataony tsinontsinona ity ligin’Analamanga tarihako ity, hoy La Pie, nefa ato aminay avokoa no milalao ny 90 %-n’ireo fileovana milalao rugby ka mba hataonay tsinontsinona koa izy. Ampy izay fa tsy mila fifampiresahana aminy intsony izahay.

Ntsoavina Evariste