Sport

Analamanga Rugby Mafanafana eny amin’ny kianjan’i Malacam

Sport
Talata 12 Septambra 2017

Mafanafana ara-bakiteny ny fanatrehana an’ireo fihaonana rugby fiadiana ny TOP 9 miaraka amin’Analamanga Rugby etsy amin’ny kianjan’i Malacam Antanimena ankehitriny.

Ny alahady 10 septambra lasa teo, ohatra, dia niseholany tamin’ny lalaon’ny 3Fb sy Tfma Ankasina izany. Tsy nifampitsitsy ireto fileovana ireto teo am-panatanterahana ny fihaonan’izy ireoNaherihery vaika mihitsy ny fifandonana. Vokany, samy nahazo karatra mena i Zo mpilalaon’ny 3Fb sy i Njaka mpilalaon’ny Tfma Ankasina nialoha kely ny fialan-tsasatra ka nilalao 14 hatreo ny ekipa roa tonta. Niditra an-tsehatra nandamin-draharaha mihitsy ny mpitandro ny filaminan’ny FIP.

Ireo vokatra rehetra azo tamin’ny alahady :

Lalao seksiona Vakiniadiana : Fitasoa – Journal (22-20)

Lalao Elite 1 TOP 9 : Uasc – Soe (20.09) ; XV Family – Matadore A (21-20) ; Tfa – Irc (11-13) ; 3Fb – Tfma (24 - 23).

Ntsoavina Evariste