Sport

Analamanga Rugby Hafana ny manasa-dalan’ny Tam Anosibe sy Tfma Ankasina

Sport
Alakamisy 14 Desambra 2017

Taorian’ny nandreseny ara-teknika ny Tfa Anatihazo tamin’ny lalao “barrage” notontosaina tetsy amin’ny kianja Malacam Antanimena ny alahady 10 desambra 2017 teo dia ny ekipan’ny Tam Anosibe izany no hifanandrina amin’ny Tfma Ankasina eo amin’ny lalao manasa-dalana amin’ny alahady 17 desambra 2017

ho avy izao etsy amin’ny kianja Malacam Antanimena manomboka amin’ny roa ora sy sasany tolakandro. Tena hafana tokoa ity fihaonana ity satria na dia mifankalala fomba filalao tsara aza ny roa tonta amin’ny naha mpanazatra ny Tam taloha an-dRaholdina Faneva mpanazatra ny Flesy ankehitriny dia azo ambara fa tsy hifampitsitsy tokoa satria izay mandresy eo no hihaona amin’ny Irc nandavo ny 3Fb 15-12 tamin’ny alahady teo any amin’ny lalao famaranana ny tompondakan’Analamanga Rugby Top 9 2017.

Lalao hafa hialoha ny fihaonanan’ny Tam sy Tfma ity :

7:30-3Fb # Matadore A (vehivavy)

9:00-Jsm # Rosa (vehivavy)

10:30-Soe # Matadore A (Top 9 classement)

12:00-Uasc # XV Family (Top 9 classement)

Ntsoavina Evariste