Sport

Analamahitsy tanàna Notokanana ny kianja “multisports” faharoa

Sport
Zoma 11 Martsa 2022

Notokanana omaly tetsy Analamahitsy tanana ny kianja “multisports” faharoa M’Hetsika MVola. Araka izany anarany izany dia tohin’ireo tetikasa kianja marolafy eo anivon’ny orinasa MVola

izy io ary iarahany miasa amin’ny kaominin’Antananarivo renivohitra sy ny Fondation Axian. Tonga nanotrona izany teny an-toerana moa ny ben’ny tananan’Antananarivo, ny lehiben’ny fokontanin’Analamahitsy, ny tale misahana ny fanatanjahantena eo anivon’ny kaominin’Antananarivo renivohitra ary ireo ekipan’ny Axian sy MVola. Tanjona ao anatin’ny fanitarana hatrany ny tetikasa toy itony, hoy ny fanazavana, ny hahafahana mampiroborobo ny fanaovana fanatanjahantena ho tonga fanoitry ny fanabeazana sy fahasalamana ary famerenana anaty fiarahamonina indray, indrindra, ireo tanora nahiliky izany fiarahamonina izany na revo amin’ny zava-mahadomelina sy fidonanam-poana ihany koa.
J. Mirija