Sport

Partagé sur :
• facebook

Anisan’ireo ekipa goavana nihintsana ihany koa omaly ny Blackstars an’i Ghana resin’i Tonizia tamin’ny alalan’ny “Tirs au but” 5 – 4 rehefa nanao ady sahala 1-1 ny roa tonta tao anatin’ny 90 minitra sy taorian’ny fanalavam-potoana.

I Madagasikara sy Tonizia izany no hifandona ao anatin’ny lalao ampahefa-dalana ny alakamisy 11 jolay ho avy izao amin’ny 10 ora alina ora eto Madagasikara. Tsy nahovoka ny elefantan’i Cote d’Ivoire ihany koa omaly ny voromaherin’i Mali izay hita fa somary sahirana ireo mpanafika sy irakiraka. Nanindry ny  Ivoarianina ka vokany 1- 0 ny baolina ka hiatrika ampahefa-dalana hifanandrina amin’i Algerie ny alakamisy ho avy izao i Cote d’Ivoire. Etsy an-kilan’izay dia ireo vodilaharana 4 mirahalahy, Romain Metanire, Thomas Fontaine, Jérome Mombris, Pascal Razak, izany sisa izao no andrasana hanoratra ao anatin’ny bokin’ny baolina maty. Raha mijery ny filalaon’ny Barea hatreto aloha dia manana firaisan-tsaina sy fahaizana miara-milalao ny Malagasy. Toa vazivazy zaritenany ihany ny hoe mamono baolina daholo ny mpilalao 11 vao mandao ny tompondakan’i Afrika isika. anisany ny mpiandry tsatokazo, Adrien Melvin. Faran’izay ambony ny toe-tsaina handresy ho an’ny Barea Malagasy amin’izao fotoana hiatrika ny ampahefa-dalana amin’io alakamisy io.

CAN 2019 Lalao ampahefa-dalana :

Alarobia

Senegal # Benin

Nigeria # Afrique du Sud

Alakamisy

Cote d’Ivoire # Algerie

Madagasikara # Tunisie

J. Mirija

Tia Tanindrazana

Samia mijoro ho an'i Gasikara.