Sport

Amboara basikety « Tournoi Somaroho 2018 » Lasan’ny Ascb Boeny lehilahy sy Mb2All Analamanga vehivavy

Sport
Talata 07 Aogositra 2018

Namarana ny hetsika “Festival Somaroho 2018” andiany faha-5 notontosaina tany Nosy-Be Hell Ville ny 1-5 aogositra teo ny lalao basikety “Tournoi Somaroho 2018”.

Nandrombaka ny amboara teo amin’ny sokajy Sénior lehilahy, nahitana mpifaninana 11: Ascb Boeny, Bcm Mayotte, Mb2All Analamanga, Cosfa Analamanga, Ekipa voafantin’i Nosy-Be, Ascut Toamasina, St-Denis La Réunion, Grèce, Cosmos Diana ary Gnbc Vakinankaratra, ny Ascb “Association sportive et culturelle de Boeny” efa nandrombaka ny amboara tamin’ny taon-dasa ka nandavo inday ny Gnbc Vakinankaratra (76-73) tamin’ity 2018 ity, teo amin’ny senior vehivavy kosa dia ny Mb2All Analamanga nandavo ny Ascut (57-43). Nahery kosa teo amin’ny veteran lehilahy ny Bbcm Analamanga nandresy ny ekipa voafantin’i Nosy-Be (50-40). Voahosotra ho mpilalao mendrika teo amin’ny sokajy senior lehilahy i Livio mpilalaon’ny ASCB Boeny, teo amin’ny sokajy senior vehivavy koa dia i Sidonie mpilalaon’n MB2ALL Analamanga.

Marihana fa nikarakara an’ity lalao basikety ity ny fikambanana “Amoureux du Basket”.