Sport

Ahmad - Filohan’ny CAF Hanana birao fiasana eto Madagasikara

Sport
Sabotsy 24 Martsa 2018

Hanana birao fiasana eto Madagasikara atsy ho atsy ny filohan’ny CAF am-perinasa, Atoa Ahmad, izay efa tonga eto an-toerana herinandro teo ho eo izao.

Any amin’ny kartien’Analakely ao an-tanànan’i Mahajanga no hisy an’io birao hiasany eto Madagasikara io ka eritreretina hotokanana amin’ny faran’ny volana martsa na fiandohan’ny volana aprily ho avy izao. Raha ny nambaran’Atoa Rakotomalala Stanislas izay hiandraikitra ny tale fitantanana an’ity biraon’ny CAF eto Madagasikara ity dia hivezivezy hiasa eto Madagasikara sy any amin’ny biraony any Le Caire any Egypte misy ny foiben’ny CAF Atoa Ahmad. Afaka mitarika fivoriana mivantana avy aty Madagasikara izy, hoy izy, satria hisy ny Video conference ao amin’ity trano misy ny biraony eto Madagasikara ity.

Ntsoavina Evariste