Sport

AGO Baolina kitra Malagasy Efa lasa avokoa ny taratasy fiantsoana ireo ligy

Sport
Zoma 11 Mey 2018

Nambaran’ny filoha am-perinasan’ny FMF na Federasion’ny baolina kitra Malagasy,

Atoa Doda Andriamiasasoa fa tsy mbola misy resaka fifidianana izay ho filoha vaovaon’ity rafitra ity maneloelo aloha ankehitriny fa ny fivoriambe ara-potoana na AGO fanao isan-taona izay hitondrana ny tatitry ny zava-bita tamin’ny 2017 izao no efa homanin’ny FMF tarihany fatratra izay tonga dia hampiarahana amin’ny fivoriambe tsy ara-potoana nangatahan’ireo ligim-paritra sasantsasany ka handanian’izy ireo ny volavolan-dalàm-pifidianana vaovao narafitry ny komity mpanatanteraky ny FMF indray, araka ny fangatahan’ny FIFA. Fantatra fa ny 2 jona izao no hanatanterahana an’izany eto Analamanga. Nambaran’ny eo anivon’ny sekretera jeneralin’ny FMF ankehitriny fa efa tapitra nandefasana taratasy fiantsoana avokoa ireo ligy rehetra miisa 20 efa lany ara-dalàna sy ireo ligy 2 mbola manatanteraka ny asa nankinina aminy ankehitriny.

Ntsoavina Evariste