Sport

Afrobasket 3x3 Lomé Togo 2018 Côte d’Ivoire lehilahy sy Mali vehivavy no tompondaka

Sport
Alatsinainy 12 Novambra 2018

Nikatona omaly alahady 11 novambra tany amin’ny kianja Omnisport Eyadema any Lomé Togo ny Afrobasket 2018. Voailik’i Rdc 16- 9 teo amin’ny lalao 1/4-

dalana tamin’io andro io ihany ny ekipam-pirenen’i Madagasikara lehilahy notarihan’i Livio araka ny vokatra : Ouganda 9 – 8 Mali, Rdc 16 – 9 Madagascar, Côte d’Ivoire 17 – 16 Togo, Nigeria 20 – 16 Egypte.

I Côte d’Ivoire no voahosotra ho tompondakan’i Afrika basket 3x3 notontosaina tany Lomé Togo rehefa nandresy an’i Ouganda omaly alahady 11 novambra. I Nigeria no nitana ny laharana faha-3 raha nandresy an’i Rdc 21 – 19 teo amin’ny lalao fiadian-toerana.

Teo amin’ny vehivavy kosa dia i Mali nandresy an’i Rdc 19 – 13 teo amin’ny famaranana no voahosotra ho tompndaka ary Togo nandresy an’i Nigeria 19-17 no nitana ny laharana faha-3.

Ntsoavina Evariste