Sport

Africa Basket-ball League Nandresy ny Smouha Sc sy ny Petro Atletico

Sport
Sabotsy 16 Febroary 2019

Tsy nisy alaharo fa nanomboka avy hatrany omaly zoma 15 febroary 2019 tetsy amin’ny Lapan’ny Fanatanjahantena Mahamasina ny fifaninanana Africa Basket League 2019 ho an’ny vondrona D misy

an’ny Cospn Madagasikara tompondakan’ny faritra faha-7 aty Afrika. Tafavoaka ho mpandresy tamin’ity andro voalohany ity ny Smouha Sc avy any Egypte nandavo ny Bc Mazembe avy any amin’ny Repoblika demokratikan’i Congo tamin’ny isa 78-65 sy ny Petro Atletico avy any Angola nandresy ny Cospn Madagasikara tamin’ny isa 99 – 76. Tsapa ho nisy tombony ny fananana halavana sy ny fahazarana lalao iraisam-pirenena goavana tamin’ireo lalao roa voalohany ireo na dia tsy mbola niaka-tsehatra aza i Hamad, Egypsianina manana halava mirefy 2,23 m.