Sport

Ady totohondry - Tompondaka nasionaly 2017 Mpilalao 11 no hisolotena an’i Matsiatra Ambony

Sport
Talata 26 Septambra 2017

Fantatra, araka ny vaovao voaray avy amin’ny filohan’ny ligy any an-toerana,

Razafindrazanaka Pauline fa mpilalao 11 no hisolotena ny ligin’i Matsiatra Ambony eo amin’ny fiadiana ny ho tompondakan’i Madagasikara amin’ny taranja ady totohondry Malagasy izay hotontosaina ny 28, 29, 30 septambra sy ny 01 oktobra ho avy izao ao amin’ny kianja mitafon’ny ANS Ampefiloha Antananarivo. Hisy ny sokajin-danja 49 kg, 52kg, 57kg, 60kg, 64kg kg eo amin’ny sokajy “sénior” amin’izany, sokajin-danja 49kg, 52kg, 56kg, 60kg ho an’ny sokajy “junior” sokajin-danja 60 kg ho an’ny sokajy vehivavy tokana. Anisan’ireo ho ao anatin’ny delegasiona izay hanainga any Fianarantsoa rahampitso alarobia 27 septambra 2017 Atoa Rakotoarisoa René mpikambana ao amin’ny FMB, ny mpitsara lalao 2 sy mpanazatra 2 ihany koa. Hanaraka azy ireo aty afara ny filohan’ny ligin’i Matsiatra Ambony am-perinasa. Fanambin’ity ligy ity ny handrombaka anaram-boninahitra izay tratra amin’ity fifaninanana ity. Tsy handray anjara amin’ny fifaninanana kosa fa hiandry ny fihaonana amin’ny Seyseloa amin’ny volana oktobra izao ilay kalaza antsoina hoe Tony avy any Matsiatra Ambony.

Ntsoavina Evariste