Sport

Partagé sur :
• facebook

Nanakoako tamin’ny herinandro lasa teo ny fanambarana navoakan’ny COM na ny Komity Olimpika Malagasy nanao fivoriambe tany Toliara mikasika ny tsy maintsy hanesorana an’Atoa Andriamanampisoa Gégé

Bosco tsy ho filoha lefitra intsony eo anivon’ny federasionan’ny ady totohondry Malagasy. Namaly bontana avy hatrany izany fanambarana lazainy fa tsy marim-pototra navoakan’ity rafitra ity ny lehilahy ka nilaza fa : “tsy misy olona afaka manesotra ahy eo amin’ny toerana tanako ankehitriny eo anivon’ny ady totohondry Malagasy afa-tsy ireo ligim-paritra nametraka ahy tamin’ny alalan’ny fanaovana AG ka tsipahiko marindrano io fanambarana nataon’ny COM io fa tsy misy rafitra avy any ivelany miditra amin’ny raharahan-tokantranon’ny fanatanjahantena Malagasy. Efa hitako ny fampiesonana natao tamin’ny 2014, hoy izy, ka tsy nahafahako nirotsaka ho kandidà hofidiana ho filohan’ny federasion’ny ady totohondry Malagasy tamin’izany  nefa noho ny fitiavako an’ity taranja ity manokana dia nandefitra nanana ny rariny aho na dia efa tsapako aza fa fanaovana halako bika tsy tiako tarehy fotsiny no nahazo ahy hatramin’izao. Marihako fa nahazo vokatra tsara ny ady totohondry Malagasy tamin’ny niverenako indray tao amin’io federasiona io ka nahazoana toerana tsara tany Congo-Brazzaville ary nahazo ny tapakila hitrika ny fiadiana ny ho tompondaka tany Alemana nefa tsy mba nampian’ny COM sy ny minisiteran’ny fanatanjahantena. Be mpikambana mpankahala olona fotsiny ao anivon’ny COM ao”.

Ntsoavina Evariste

Tia Tanindrazana

Samia mijoro ho an'i Gasikara.