Sport

Partagé sur :
• facebook

Nanambara tamin’ny haino aman-jery tsy miankina iray eto an-drenivohitra ny alahady 3 desambra teo ny filohan’ny federasion’ny ady totohondry Malagasy,

 Atoa Rabarisoa Hery Mamy, fa hesorina amin’ny toerana maha filoha lefitr’ity federasiona tantanany ity Atoa Andriamanampisoa Gégé Bosco noho izy voasazin’ny rafitra Iraisam-pirenena AIBA tamin’ny taona 2014. Nanambara ity filoha ity fa fanapahan-kevitra azony raisina sy ny ligy vitsivitsy miaraka aminy izao fanapahan-kevitra izao.  Namaly bontana avy hatrany kosa omaly alatsinainy 4 desambra Atoa Gégé Bosco ka nilaza fa efa tetika niarahan’ity filoha ity nokotrehana niaraka tamin’ny Komity Olimpika Malagasy tahaka ny tamin’ny taona 2014 io ka tsy nahafahany nirotsaka  fidiana ho filohan’ity federasiona ity tamin’izany izao toe-javatra izao ka tsy hanaiky lembenana  intsony ny tenany fa resaka tsy fitiavana azy fotsiny tsotra izao no misy, hoy i Gégé Bosco. Haseho ho hitam-poko hitam-pirenena ny taratasy fanasaziana avy amin’ny AIBA aha misy, hoy izy. Ambarako etoana ihany koa fa ireo ligim-paritra rehetra ihany amin’ny fanaovana AG no tompo-marika amin’ny fanapahan-kevitra atao eo anivon’ity federasion’ny ady totohondry ity, araka ny lalàna mifehy azy fa tsy anjaran’olon-tokana izany. Ireo ligim-paritra misy eo amin’ity taranja ity anefa dia tsy mankasitraka velively ny fanalana ahy satria 2 taona no tsy naha teo amin’ny FMB ahy nefa tsy nisy zava-bitan’ingahy Hery Mamy teo na inona na inona ary milaza fa hanao AG amin’ny vola janoary 2018 hitsidika io.

Ntsoavina Evariste

Tia Tanindrazana

Samia mijoro ho an'i Gasikara.