Sport

Ady totohondry Ho avy ny sazy ho an’ny ligy tsy mampanao fifaninanana

Sport
Alakamisy 04 Mey 2023

Manana mpikatroka maherin’ny 92 kilao na 100 kilao mihitsy isika raha ilaina hiatrika ny lalaon’ny nosy, hoy ny filohan’ny federasionin’ny taranja ady totohondry,

Hery Mamy Rabarisoa. Misy, hoy izy, any Diana sy Menabe izay hiakatra eto Antananarivo ato ho ato. Efa misy sokajy vaventy na «poids lourd» izao hikatroka etsy amin’ny kianja mitafon’i Mahamasina amin’io 14 mey io. Hananantsika daholo izany ireo sokajy miisa 10 takiana raha ilaina. 10 ny an’ny lehilahy dia 10 vehivavy. Ho an’ireo ligy tsy mamela ny atleta hanao fifaninanana dia ho avy amin’izay ny sazy satria dia fantatra fa tsy vitan’izay fa dia manaratsy ilay taranja koa izy ireo, hoy hatrany ny fanazavana.
J. Mirija