Sport

ABQ rugby Nitohy ny fankalazana ny faha-15 taona

Sport
Alakamisy 28 Martsa 2019

Taorian’ny fotoam-panokafana notontosaina teny amin’ny Chapelle Info Centre de la Salle teny Soavimbahoaka ny sabotsy 23 martsa 2019 teo dia notohizana

tamin’ny fiarahan’ireo mpikambana nisakafo niaraka tamin’ny raiamandreny Ange Andrianarisoa teny amin’ny tranompokonolona fokontany Akorondrano Atsinanana Boriborintany faha-3 omaly alarobia 27 martsa 2019 ny fankalazan’ny fikambanana mpanao rugby ABQ “Association du Bas Quartier”. Nitarika azy ireo ny filohany, Razafiarison François Xavier “Fafah”, izay nanolotra fisaorana feno an’ity raiamandreny ity tsy nitsahatra nanampy an-dry zareo nandritra izay 15 taona niorenany izay teo ambany fitarihan’ny Amiraly Didier Ratsiraka. Nanamafy izay efa nambarany teny Soavimbahoaka tamin’ny sabotsy, ny raiamandreny Ange Andrianarisoa nandritra ity sakafo mitam-pihavanana ity, tamin’ny filazana fa mendrika ny hotohanana hatrany ny fikambanana mitaiza tanora tahaka ny ABQ amin’ireo asa rehetra sahaniny, indrindra ny fanentanana eo amin’ny sehatry ny fanatanjahantena dia ny fiangaliana rugby manokana.

Ntsoavina Evariste