Sport

Partagé sur :
• facebook

Votsotra tamin’ny Malagasy ny anaramboninahitra ho an’ny lehilahy. Ilay Renioney François Lebon izay 42 taona ary nahazo ny medaly volamena tamin’ny Lalaon’ny Nosy 2011 tany Seisela no tafiditra lah-2 rehefa nahavita ny 42,195km tao anatin’ny 2.26.

 Nosongonany efa taty amin’ny 2km farany Rakotomalala Jean de la Croix izay nahavita fotoana 2.28. Tany amin’ny lah-3 kosa ilay sangany malagasy, Andriamparany Hajanirina (2.35). Nahazo ny lah-1 tamin’ny andriambavilanitra kosa Ratianasoa Landinirina nahavita fotoana 3.18.15, lah-2 Ramanatenasoa Marinah (3.21.26) ary lah-3 Razafimahatratra Elyse (3.22.08). Marihina fa 1 500 000 ariary ny loka ho an’ireo lah-1, iray tapitrisa ariary ho an’ny lah-2 ary 6 hetsy ny lah-3. Mikasika ireo vokatra hafa. Lah-1 tamin’ny “Foulee Ecolo” nirefy 11km ho an’ireo manana karapilalaoavana i Mampitraotsy avy amin’ny Cospn (33.29), lah-2 i Manongosoa mbola Cospn hatrany (34.15) ary  lah-3 i Heritsara mpihazakazaky ny Cosfa (34.41). Ho an’ny vehivavy, lah-1 i Stania (43.63), lah-2 Rabemihoatra Oliva - Cnaps (43.42) ary lah-3 i Nirina Marthe - 3FB (44.26). Ho an’ireo tsy manana kara-pilalaoavana, sokajy lehilahy, lah-1 Ramarolahy Benjamin (38.14), lah-2 i Elyse Rolland (38.21), lah-3 i Andrihavana Bruno (38.47). Ho an’ny vehivavy, lah-1 Ravaomalanto Harivony (51.36), lah-2 Rasoanandrasana Anatole (52.40) ary lah-3 Rasoarimalala Nicole (52.49). Vokatra tamin’ny handirun (11km), lah-1 tamin’ny lahilahy i Solomon (42.21), lah-2 i Malakia (47.29), lah-3 i Jean Claude (53’27). Teo amin’ny vehivavy, lah-1 i Mbola (1.18.11), lah-2 i Francisca (1.21.48), lah-3 i Lanto (1.27). Nisy ihany koa moa ny hazakazaka “Maratoons” natokana ho an’ireo ankizy izay nirefy 1,5km nihodidina ny araben’ny fahaleovantena.

Tia Tanindrazana

Samia mijoro ho an'i Gasikara.