Sport

100 metatra tsy misy fefy, sokajy vehivavy Tsy nampoizina ny zava-bitan’i Njarasoa Claudine

Sport
Alarobia 02 Aogositra 2023

Tao anatin'ny sokajin’ny antsoina hoe “Outsider”, izany hoe, karazan’irony atleta manao ny fandraisana anjara ho hany zava-dehibe irony,

no nanasokajian’ireo mpamakafaka fanatanjahantena ny solontena malagasy any amin’ny lalaon’ny frankofonia, Njarasoa Claudine Nomenjanahary. Nahazo ny laharana faha 4 nefa ny tovovavy omaly. Nahavita 11.51" ny hazakazaka 100 metatra izy, zava-bita azo lazaina hoe tsy nampoizin’ireo mpandinika, araka izany. Ilay Ivoirianina Kone Maboundou no nahazo ny medaly volamena raha nahavita 11.24" teo amin’izay 100 metatra tsy misy fefy, sokajy vehivavy, izay, hoy hatrany ny tati-baovao voaray.
J. Mirija