10 volana nitantantan’i C. Martins

Nihatsara ny filaharan’ny Barea

Sport
Alatsinainy 24 Novambra 2025

Na teo aza ny zanaharim-baolina tsy

nanambina ka tsy nahatafakatra ny ekipam-pirenena malagasin’ny baolina kitra na Barean’i Madagasikara ho any amin’ny tompondaka erantany 2026, araka ny fomba fiteny, dia azo lazaina ho nahitàna fivoarana kosa izany Barea izany tao anatin’izay 10 volana latsaka nandraisan’ilay tekinisianina franco-portugais, Corentin Martins, azy izay. Raha faha 116 no laharana nisy antsika ny janoary 2025 dia efa lasa faha 105 isika amin’izao fotoana izao. Faha 115 ny volana aprily. Faha 108 ny septambra ary 1 volana taorian’izay no lasa faha 106. Rehefa avy nandresy 2 noho 0 an’i Guinée équatorial tamin’ny lalao ara-pirahalahiana indray moa tamin’ny herinandro dia lasa faha 105 teo amin’ny laharana FIFA na ny fandaharan’ny Federasionina iraisampirenen’ny baolina kitra. Niha tsara ny filaharana FIFA, araka izany, ho an’ny Barea teo ambany fitantanan’ity tekinisianina vahiny ity hatreto ary antenaina hitondra fahombiaza izany ho amin’ny fifanintsanana hahazoana ny tapakila amin’ny tompondakan’i Afrika manaraka eo, raha tsy hoe hisy fanovàna mpanazatra indray angaha!
J. Mirija