1

8-ndalan’ny lalao « Telma Coupe de Madagascar 2019 » Natrehan’ny solontenan’ireo klioba ny antsapaka natao omaly

Sport
Alarobia 10 Aprily 2019

“Raha eo amin’ny lalao 1/4-dalana no mahazatra antsika fanaovana antsapaka amin’ny fanohizana ny fifaninanana “Telma Coupe de Madagascar” isan-taona, hoy ny tale teknikan’ny FMF,

Dhebon Jean François, dia mbola hotanterahintsika miaraka amin’ny orinasa Telma eny Andraharo ihany izany aoriana kely fa mba hisian’ny mangarahara tanteraka eo amin’ity fifaninanana ity dia nasiana antsapaka koa aty amin’ny 1/8-ndalana ka izao tanterahina androany talata 09 aprily izao miaraka amin’ny fanatrehan’ireto solontenan’ny klioba handray anjara ireto”. Tanteraka teny amin’ny tranon’ny baolina kitra eny Isoraka omaly talata ny antsapaka amin’ireo lalao 1/8-ndalan’ny “Telma Coupe de Madagascar” izay hotanterahina amin’ny 20 na 21 aprily 2019 avokoa afa-tsy ny lalao hihaonan’ny Cffa Analamanga sy ny Cosfa Analamanga hatao eto Antananarivo ny 28 aprily noho ny antony manokana. Nambaran’ity Dtn-n’ny Fmf ity fa mpitsara “elites nationaux” sy mpitsara “internationaux” avokoa no hitsara ireo lalao rehetra.

Lalao amin’ny 20 na 21 aprily : Cnaps Sport Itasy # Jet Mada Alfa eny Vontovorona ; Elgeco Plus Alfa # As Fortior A/nanana eto Antananarivo ; Ass Disciples Vaknà # Uscfoot Alfa any Antsirabe ; Costm A/Andrefana # Hzam A/Mangoro any Toliara ; Fosa Juniors Boeny # Fc Blackstar V7V any Mahajanga ; Jet Mada Itasy # Zanakala Fc M/Ambony eto Antananarivo ary Fc Ilakaka Ihorombe # Ajesaia Bongolava any Ihosy.

Lalao amin’ny 28 aprily : Fccf Alfa # Cosfa Alfa eto Antananarivo.

Ntsoavina Evariste