Politique

Zanak�i Dada Toamasina Ho avy maro hitsena an�i Marc Ravalomanana

Politique
Zoma 20 Janoary 2012

“Tsy misy hahasakana ahy tsy hitsena ny filoha Ravalomanana eny Ivato, tsy maintsy anisan’ny olona mitsena sy mifanatri-tava aminy aho ary tsy maintsy mandray tanana sy hiarahaba azy tonga an-tanindrazana ny tenako”. Izay no nambaran’ity renim-pianakaviana efa tena dodona amin’ny fahatongavan’Atoa Ravalomanana Marc sy ny delegasionina miaraka aminy avy ao Toamasina ity. Raha ny fanazavana azo, dia hisy ny ekipa hiainga ao Toamasina anio hariva, izay hiainga eo amin’ny Magro Tanambao V. “Tsy hosakanana izay rehetra te-handeha hitsena an’i Dada, efa vonona amin’ny fiara izahay mpikarakara izany”, hoy ireo komity misahana izany. “Efa vonona amin’ny zavatra rehetra mety hitranga izahay satria tsy fitsenana ilay filoha nahavita be tamin’ny firenena no hatao”, hoy hatrany ireo komity mpikarakara. “Tsy hiady na hanao valifaty no hahatongavany, fa hiara-kitady vahaolana amin’ny fikatsoan’ny raharaham-pirenena sy hitady ny fitoniana mba hisian’ny fampandrosoana haingana ny firenena”, hoy ihany ireto komity ireto.

Rakoutou