Politique

Partagé sur :
• facebook

«Hatramin’ny 7 febroary 2009 ka mandraka androany dia ianareo no namono olona. Fandrobana ny Malagasy no misy eto hatramin’izay fanonganam-panjakana izay», hoy ny mpikambana ao amin’ny Kongresin’ny tetezamita Ravelonanosy Mamitiana, tao amin’ny Magro Behoririka omaly, izay nanampy fa manala baraka ny vahoaka malagasy ny fitondrana FAT” satria re laza hatrany ivelany ny olana eo amin’ny resaka tsy fandriampahalemana, ny fahantran’ny vahoaka kanefa ny mpitondra manankarena tsy hita noanoa.

 Manoloana izao olana mankadiry, indrindra eo amin’ny resaka tsy fandriampahalemana izao dia mitaky ny fialan’i Andry Rajoelina sy ireo mpikambana ao amin’ny governemanta izay misahana ny fandriampahalemana ny Zanak’i Dada. Tsy mahavita ianareo», hoy Ravelonanosy Mamitiana. Ankoatra izay dia nambarany fa tokony hifona sy handohalika eo anatrehan’ny Malagasy ireo mpitondra FAT satria nandroba ny Malagasy.

Mitaky vahaolana hentitra avy amin’ny SADC koa ny Zanak’i Dada. Raha ny zava-misy any atsimo, hoy ity parlemantera ity dia manidy birao avokoa manomboka amin’ny sefo Fokontany. «Remenabila no lasa tompon’ny fanjakana. Fanjakan’i Baroa sy jiolahy no misy eto. Nalain’ny jiolahy tahaka ny fanafihana mpitondra voafidy», hoy ihany ity parlemantera ity. Ankoatra izay dia nambarany fa mpitandro ny filaminana politika no misy eto fa ireo mpitandro ny filaminana tena nanao ny asany nofonjaina ka raha tiana hilamina ny tany dia mila avoaka ireo nohidiana any am-ponja ireo.

Soa

Tia Tanindrazana

Samia mijoro ho an'i Gasikara.