Politique

Zafilahy Stanislas �Aty aminay ny vahoaka�

Politique
Zoma 04 Mey 2012

Tsy iadian-kevitra fa maro an�isa ao amin�ny Parlemanta ny mpomba an-dRajoelina.

Aty aminay kosa ny vahoaka, hoy i Zafilahy Stanislas, filoha lefitry ny Kongresin’ny tetezamita avy amin’ny ankolafy Ravalomanana tao amin’ny Magro Behoririka omaly. Karazan’ny valin-kafatra tamin’ny tenin’i Andry Rajoelina milaza fa anaty trano, dia any amin’ny Parlemanta sy filankevitry ny governemanta ary filankevitry ny minisitra no sehatra ifampiresahana fa tsy an-dalambe. Nahitsy ny tenin’i Constant manoloana io. “Any anaty trano ahoana no hiresaka ? Dia hatao aiza ny vahoaka ? Parlemantera anie izahay e !”, hoy izy Nampiany fa ny ankolafy Ravalomanana no mamolaka ny fanjakana, mahomby ny tetika ary tohizana. Voaresaka betsaka tao amin’ny Magro omaly koa ireo trangan-javatra nanamarika ity herinandro ity toy ny fisiana baomba in-droa nisesy nipoaka teo amin’ny manodidina an’Analakely, ny raharaha Free-FM ary ny fitsarana ny raharaha FIGN. Mikasika ity farany dia hifamotoana eny Anosy ny zanak’i Dada anio.

Nangonin’i Jean D.