Politique

Partagé sur :
• facebook

Hitondra ny toreo sy ny talahon’ny vahoaka Malagasy amin’ny alalan’ilay hetsika tabataban’ny olom-pirenena eny amin’ny kianja Maki Andohatapenaka anio ny Wake up Madagascar, fikambanana iray izy miezaka mijery ifotony ireo maharary ny vahoaka Malagasy .

Raha araka ny fanazavan’izy ireo omaly mantsy dia  diso lalim-paka loatra ny fahoriana mianjady amin’ny vahoaka Malagasy ankehitriny nefa toa  tsy miraharaha izany akory ny mpitondra sady minia manampin-tsofina. Tsy vitsy ireo efa matin’ny hanoanana, betsaka ny tsy an’asa nefa  ny fandraisana ireo vahiny ihany no mahamaika ny mpitondra, kajikajy izay tsy nisy fiantraikany mivantana tamin’ny fiainan’ny vahoaka hatreto, indrindra fa ny madinika. Nosafidian’izy ireo  manokana  ny andro anio sabotsy 25 novambra,  mba hanehoana amin’ireo vahiny  ny tena zava-misy marina eto Madagasikara  fa tsy afinafenina lava izao. Na izany aza anefa hetsika am-pilaminana no hatao amin’ny alalan’ny fitsofana kiririoka, fanapoahana lapoaly …mba ho hitan’ny rehetra fa reraka sy noana ny vahoaka Malagasy. Anio amin’ny 11 ora no fotoana  manoloana ny kianja Maki Andohatapenaka, hiantsoana ny olom-pirenena rehetra. Marihina moa fa hifanindran-dalana amin’ity hetsika ity ihany koa ny hetsiky ny mpanao gazety saingy eny amin’ny sampanana Ambohitrimanjaka indray  no toerana nosafidian’ireto farany.

Pati

Legende  : Azo atao koa ny mitondra lovia tahaka izao hapoaka miaraka amin’ny sotro

Tia Tanindrazana

Samia mijoro ho an'i Gasikara.