Politique

Vonjy Iray Tsy Mivaky Hanome hery vao ny antoko

Politique
Alatsinainy 28 Novambra 2011

Nametraka vina maromaro ny antoko Vonjy Iray Tsy Mivaky nandritra ny filankevi-paritra nataon'izy ireo teto Analamanga.

Ny fangatahana ny hamerenana antsika amin'ny ara-dalàna aloha no tena nifantohan'ny resaka, dia izay hahatafitan'ny fifidianana. Io ihany mantsy ho azy ireo no lalana tokana sy lakile ahafahana mivoaka amin'ny krizy. Ilaina anefa ny fanavaozana tanteraka ny rafitra demokratika hahafahana mametraka izany Repoblika fahefatra izany, hoy i Pierre Le Noble, Sekretera Jeneralin'ny antoko sady filoha lefitry ny Kongresin’ny tetezamita, izany hoe mamelona toe-tsaina tia tanindrazana ao amin'ny demokrasia. Anisan'ny fotokevi-dehibe notsoahan'izy ireo, araka izany, ny hisian'ny fampiraisam-pirenena tokoa, sy ny fampandrosoana hanjakan'ny fifandanjana isam-paritra, ankoatra io demokrasia io. Nisy ny fanavaozana ireo rafitra mpitantana ao anatin'ny antoko, izay entina hanetsika ireo mpikambana rehetra manerana ny Nosy. Any Vangaindrano kosa no hotanterahana ny filankevitra nasionaly aorian'ny fahavitan'ny filankevi-paritra rehetra.

Manohy