Politique

Vondron�Olontsotra Tsy hangina �

Politique
Alakamisy 15 Septambra 2011

Nipoaka ny sarom-bilany ! Ara-bakiteny io omaly, raha ny zava-nitranga teny Antanimena nihazo an’i Behoririka, nanehoan’ny Vondron’Olontsotra fa dia feno ny kapoaka manoloana izao fampahoriana sy fampahantrana ny Malagasy tato anatin’ny tetezamita izao. Manamafy ny fitakiany hamelana malalaka ny filoha Marc Ravalomanana hiverina an-tanindrazana izy ireo ary milaza fa tsy hangina mandra-pahatanterak’izany ary koa hivoahan’ireo gadra politika rehetra na sivily na miaramila. Sorabaventy maro no nentin’ny Vondron’Olontsotra nanehoana izany, omaly tolakandro, taorian’ny fihaonana fampitam-baovao nataon’izy ireo teny Antohomadinika. Ny fiverenan’ny filoha Ravalomanana an-tanindrazana no vahaolana hampisy fitoniana ary koa hitondra filaminana ka hiverenan’ny mpamatsy vola sy ny famoronana asa, araka ny fanazavan’izy ireo.

Nangonin’i Jean D.