Politique

Partagé sur :
• facebook

Manohitra amin’ny heriny rehetra ny tsy rariny ataon’ny FAT ny “Front des opposants pour la libération de Madagascar”, ahitana an’i Lalatiana Ravololomanana sy ireo mpiara-dia aminy.

 Manaporofo izany araka ny fantatra ny faneken’ity vondron’ny mpanohitra iray ity hihaona mivantana tamin’ireo sendika eo anivon’ny “Cellule de crise” toy ireo dokotera sy mpitsabo mpanampy, ny mpampianatra... Araka ny nambaran’ireto farany tamin’ity vondron’ny mpanohitra iray ity dia mila mpanao politika izy ireo satria tapi-dalan-kaleha tanteraka nefa tsy afa-miverina intsony. Nambaran’i Lalatiana Ravololomanana tamin’izany àry fa “efa hatramin’ny ela ny tenany sy ireo mpiara-dia aminy no te hanampy ireto sendika ireto noho ny fitakiana ara-drariny izay ataony”.

Tsy nanaiky anefa ireo sendika ireo teny am-piandohana satria nihevitra ny mpanao politika ho maloto. Mbola nohamafisin’i Lalatiana Ravololomanana ihany ary fa politika avokoa ny zavatra rehetra saingy ny fanaovana azy no mampaloto na mampadio azy. Mbola antso ihany, araka izany, no ataon’ity vondron’ny mpanohitra ity ny mba hamondronan’ny mpanohitra rehetra ny heriny hahafahana miady amin’izao gaboraraka manjaka eto amin’ny firenena izao. Ny tanjona, hoy ihany izy dia ny hanairana ny Malagasy mba hitsangana fa tsy hanaiky hoviraviraina tahaka izao intsony ary tsy hanohana tsangan’olona na hiady ho lohany fa hanova toe-tsaina sy hanao politika hanova ny firenena amin’ny alalan’ny hevitra iombonana.

Pati

Tia Tanindrazana

Samia mijoro ho an'i Gasikara.