Politique

Vondron�ny Malagasy Tia Tanindrazana Miantso firaisankina

Politique
Alarobia 07 Desambra 2011

Kajikajy sy paipaika politika ny filazana fa tsy mbola fotoana hiverenan�ny filoha Ravalomanana an-tanindrazana izao, hoy ny Vondron�ny Malagasy Tia Tanindrazana na ny VMTT.

Toherin’ity fikambanana ity izany satria tsy izay no atao hoe fanavotam-pirenena, araka ny fanazavana. Anisan’ny vahaolana heverin’izy ireo ny fihaonana an-tampon’ireo filoha-na ankolafy kanefa ny filazana fa tsy tokony hiverina ny filoha dia midika ho fanipahana ny fisian’izany fihaonana izany. Iray amin’ireo vondrona mitaky ny fiverenan’ny filoha Ravalomanana an-tanindrazana moa ny VMTT satria mahatsapa izy ireo fa tsy misy afa-tsy Ravalomanana no afaka hanarina sy hampandrosoana ny firenena ary ny Malagasy amin’ny ankapobeny no mila izay fiverenany izay. Manoloana ny toe-draharaha politika eto an-toerana moa dia miantso ny Malagasy hiaraka hientana hiaro ny firenena ny VMTT, miantso firaisankina ihany koa hametrahana firenena vanona.

Nangonin’i Soa