Politique

Vola amin’ny propagandy Aleo hotantanin’ny CENI …

Politique
Alatsinainy 04 Septambra 2017

Tsy hitovy na oviana raha ny fahitan’ny avy eo anivon’ny fikambanana Za’Gasy sahy mandroso azy ny hery hananan’ireo

kandidà handray anjara amin’ny fifidianana filoham-pirenena amin’ny taona 2018 sy izay fifidianana ho avy rehetra eo raha tsy ny vaomiera mahaleotena misahana ny fifidianana na ny CENI mihitsy no mitantana ny volan’ireo kandidà. Ho sarotra, hoy Ratiharison Navandahy Jean filohan’ny fikambanana ny hanara-maso ny fandanian’ireo kandidà na hoferana aza rehefa tsy mirotsaka ao amin’ny kitapom-bolan’ny CENI ny vola tokony holanian’ireo kandidà. Firenena mahantra isika, hoy izy, ary lojika raha ho lany foana izay manam-bola na dia tsy manan-kevitra sy manambina loatra aza rehefa ny fomba fanao hatrizay na ny mitovitovy amin’izany ihany no hatao. Aleo hampitoviana ny azon’ny rehetra laniana ary harotsak’ireo kandidà ao amin’ny kitapom-bolan’ny CENI mba haraha-maso tsara ka hahafahana manasazy izay mandany mihoatra.

J. Mirija