Politique

Victor Manantsoa Tsy tokony hirosoana ny fifidianana

Politique
Alarobia 06 Septambra 2017

Tsy tokony hiroso amin’ny fifidianana isika raha toa ka mbola ho toy ny endri-pifidianana hatramin’izay no hiseho amin’ny taona 2018, hoy ny minisitry ny fampianarana teknika teo aloha, Manantsoa Victor.

Tsy hisy fifidianana mihoatra ny 5 amin’ny 12 tapitrisa ny mpifidy, ary tsy mahatratra antsasamanilan’ny mpandatsa-bato voasoratra anarana akory ny ny nahalany ny filoha. Eo amin’ny 2,4 na 2,5 tapitrisa ny hahalanian’ny filoha, anisan’izany ny filoha Hery Rajaonarinampianina. Mety azo ekena izany teo aloha fa amin’izao tsy mety intsony, hoy i Victor Manantsoa. Mila manaraka ny fenitra iraisam-pirenena i Madagasikara raha tiana marina ny hisian’ny fitoniana politika, ka tsy tokony haharototra aloha ny fifidianana, raha tsy milamina ny pitsopitsony rehetra, araka ny fanehoan-kevitr’ity tompon’andraikitra ambony teo aloha ity. Ny 90%-n’ny fanehoan-kevitra momba ny fifidianana angamba no manahy korontana sy krizy, raha tsy milamina ny zava-drehetra, saingy tsy misy aloha ny tena finiavana politika, hoenti-misoroka dieny izao ny savorovoro politika.

Toky R