Politique

UNDD Toamasina Misisika ny hanaovana fifidianana lal�mpanorenana

Politique
Zoma 02 Aogositra 2013

Naneho ny heviny mikasika ny raharaha politika sy ny fifidianana ary ny fahatongavan�ireo iraky ny GIC-M, omaly, ireo mpikamban�ny antoko UNDD ao Toamasina notarihan�ny filoha provinsialy Atoa Rasamiharison Tahiry.

Nandritra izany no nanamafisan’izy ireo ny hevitra tapaky ny antoko nandritra ny fikaonan-doha natao teto Antananarivo ny 08 jolay teo, fa mitaky fifidianana lalàmpanorenana mialoha ny fifidianana rehetra ny UNDD. Nilaza ity farany fa ny fananantsika lalàmpanorenana eken’ny rehetra sy ahafahan’ny rehetra mifidy no antoka voalohany hivoahana amin’ny krizy. Marary ny firenena noho ny tsy fananany lalàna mifehy ny fampihodinana sy miantoka ny fampandrosoana marina azy, ka tokony hotsaboina mba hisian’ny fifidianana madio, mangarahara, ary ny filoha ho lany eo dia afaka hiasa an-kalalahana. Nilaza ny UNDD Toamasina fa tsy handray anjara amin’ny fifidianana raha tsy tanteraka ny hetahetam-bahoaka amin’ny fanaovana mialoha ny fifidianana lalàmpanorenana.

Rakoutou